ياقاسية ..


والحب مثلك غدى قاسي !!..

ياناسية ..

نبضات قلبي وإحساسي ..




تصدقين البارحة ..

كنت أذكرك ؟!..

( وماهي بس البارحة ) !! ..

أنا كل ليلة أغمض عيوني ..

وأرسم صورتك ..

وأتذكرك ..!

لكن ذكرى البارحة ..

كانت غريبة شوي ..!

جرح ..!

ويحنّ لجارحه ..!!

قلبٍ يعيش بحسرته ..

يشتاق للي يصالحه ..!

يبكي ..

ومن كثر الدموع ..

إتغيّرت ملامحه ..!!

ماعاد هو قلبي القديم ..

اللي أعرفه من زمان ..!

ماعاد به للفرْح من بعدك ..

مكان ..!!

ماعاد به إلا هواك ..

ما يسكنه إلا غلاك ..

وتدرين ..

حبك بس ..

يكفيني ..

ويملا دنيتي ..!

وتدرين ..

بغيابك ..!

أقاسي غربتي ..!





يافرْح عيّا لايمرْ ..

والليل ..!

يشتاق القمر ..

يكفيك طولّت الغياب ..!

مااعيش من بعدك عمر ..!!





كم تذكرتك ..

وناديتك ..

تعالي يا بعيدة ..

ماقدر قلبي في بعدك ..

يشعر بلحظة سعيدة ..

ما قدرت أكتب قصيدة ..!

صارت أبيات الشعر بعدك ..

عنيدة .. !!

آه .. كم أشتاق لعيونك ..

وهي عني بعيدة ..!


ودّي أكتب لك رسالة ..

أشتكي لك من عذابي ..

من فراق ..

أخاف يفقدني صوابي ..!

ودّي أحكي لك ..

أنا وشلون عايش ..!

للحزن مفتوح بابي ..!!

وين أنا وين السعادة ..

والحزن بعدك سرابي ..!

وش بقى بالعمر ..!

لاضيّعت في حبّك شبابي ؟!..




ليه ياقسوة ظروفه ..

تمنعينه لايجيني ؟..

إرحمي فيني حنيني ..

قدّري غربة سنيني ..

ساعديه ..

وساعديني ..

إجبري بالخاطر المكسور ..

تكفين إفهميني ..

إسمعي دقات قلبي ..

إسمعي عيني تنادي ..

إسمعيني ..

ياظروفه الىمتى ..

تتجاهليني !!..

كوني بس هالمرة ..

في صفي ..!

وبعدين إتركيني ..!




بانتظر ..

لأجلك حبيبتي ..

حتى لو ماشفتك الليلة ..

لأجل عينك ..

هويت الإنتظار ..

وراح أشوفك في منامي ..

وأدري إنه حلم ..!

بيقتله النهار ..!

وراح أنتظر ..

طول العمر ..

لو قسيتي ..

أو نسيتي ..

تآمري دايم ..

على قلبي .. أمر ...!

*_*_*_*_*_*_*_*
ابن الخبرالحارثي