يالله يامروي كبود الضوامي=ياغافر(ن) زلات عبدك ليا تاب
تغفر لبو فيصل عزيز المقامي=الي كسب حب الرفاقه والاجناب
مرحوم يالي مامشى بالكلامي=بين العرب ماهوب واشي وكذاب
تبكيك قحطان العريبه ويامي=ويبكونك الجيران واحباب واصحاب
ويبكيك محراب(ن) وصف(ن) امامي=وتبكيك سجاده وقرآن وكتاب
ويالله يامحيي فتات العضامي=ترزقه جنات(ن) بها كل ماطاب
الموت حق ولاحد(ن) للدوامي=الا الولي المعتلي رب الارباب
يمناه جادت مثل وبل الغمامي=ريف الضعيف ولاقفل دونه الباب
يشهد بجوده عيد شهر الصيامي=وعيد الضحيه شاهد بكل الاطياب
تاج الوفاء والطيب حر(ن) اقطامي=عز الخوي سعد العواني والاقراب
خلف حرار(ن) قدرهم مايضامي=كواكب(ن) تنور ولو القمر غاب
مكانهم معروف عالي وسامي=نفخربهم دايم عربين الانساب
لقيت انا من جانبه الاحترامي=وقدره كبير وحافظه بين والاهداب
يالله انا وياه يوم العسامي=في ظلك اللي تجتمع فيه الاحباب
وصلاة ربي للنبي والسلامي=اعداد مزن(ن) هل وبالقاع سكاب